Gaule Khabar
शुक्रबार, साउन २७, २०७९
Gaule Entertainment Media Group Pvt.Ltd.

दुधकोशी सामुदायिक अस्पतालका लागि मैदेल सेरोफेरो समाजको रु‍ ६० लाख सहयोग

दुधकोशी सामुदायिक अस्पतालका लागि मैदेल सेरोफेरो समाजको रु‍ ६० लाख सहयोग

काठमाण्डौ । दुधकोशी सामुदायिक अस्पताल निर्माणका लागि करिब ६० लाख एउटै समाजले आर्थिक सहयोग गरेका छन् । मैदेल सेरोफेरो गुरुङ समाज लाउरेटोल काठमान्डौले अस्पतालका लागि रु ६९ लाख २२ हजार ८ सय ६२ लाख सहयोग गरेको हो ।

स्वस्फुर्तरुपमा समुह निर्माण गरि गाउँमा सञ्चालन हुने अस्पतालको लागि आर्थिक सहयोग संकलन गरि हस्तान्तरण गरेको अस्पताल सञ्चालक समितिका कोषाअध्यक्ष बलराम गुरुङले जानकारी दिए । लाउरेटोलका गणेश बहादुर गुरुङ र गोबिन्द गुरुङको नेतृत्व उक्त रकम संकलन गरि विभिन्न चरणमा अस्पताल सञ्चालक समितिलाई हस्तान्तरण गरेका हुन् ।

समितिका कोषाअध्यक्ष बलराम गुरुङका अनुसार आज आइतबारका दिन बाँकी रकम रु १४ लाख ८३ हजार ६४१ हजार रुपैयाँ एक कार्यक्रमका बीच हस्तान्तरण गरिएको छ । सहयोग सकलनका लागि मैदेल सेरोफेरो गुरुङ समाज लाउरेटोलको नामबाट खोलिएको बैंक खाता समेत उक्त रकम हस्तान्तरण गरेसंगै बन्द गरिएको अभियान्ता गणेश बहादुर गुरुङले बताए । सहयोग रकम हस्तान्तरण कार्यक्रममा समाजका १०३ जनालाई खादा सहित सम्मानपत्र प्रदान गरिएको छ । एक जना व्यक्तिले १ लाख ५५ हजार सम्म आर्थिक सहयोग गरेको बताएको छ ।

थुलुङदधुकोशी गाउँपालिका अध्यक्ष रहनुभएका अस्पताल सञ्चालन समितिका अध्यक्ष असिम राईले सबैको सहयोगबाट अस्पताल भवन निर्माणको काम ९५ प्रतिशत पुरा भएको बताए । गाउँबस्तीका सामान्य परिवारका व्यक्ति देखि देश विदेशबाट समेत क्षमता अनुसारको सहयोग गरेको प्रति धन्यवाद ज्ञापन गर्दै अध्यक्ष राईले फागुनको पहिलो हप्ता भित्र अस्पताल उद्घाटन गर्ने बताए । गाउँका नागरिकलाई सामान्य उपचारको लागि समेत जिल्ला बाहिर जानुपर्ने बाध्यताको अन्त्य गर्ने उदेश्यले सञ्चालन गर्न लागिएको अस्पताल उद्घाटनको दिन जिल्लावासीकै लागि खुशीको क्षण हुने उनको भनाई छ ।

अस्पताल निर्माण सम्पन्न हुँदा सम्म करिब ३० करोड खर्च हुने अनुमान गरिएको छ । गाउँपालिका केन्द्र मुक्लीमा यस सोही अस्पताल निर्माणका लागि सहयोगार्थ महायज्ञ समेत आयोजना गरिएको थियो ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ