महाकुलुङलाई भारत सरकारको अनुदानमा एम्बुलेन्स
काठमाण्डौ । महाकुलुङ गाउँपालिकाले भारत सरकारको अनुदानमा एम्बुलेन्स प्राप्त गरेको छ । भारत सरकारको अनुदान सहायता अन्तर्गत ७५ वटा एम्बुलेन्स र १७ वटा विद्यालय बस उपहारस्वरुप प्रदान गर्दा महाकुलुङले पनि एउटा एम्बुलेन्स प्राप्त गरेको हो ।
आइतबार भारतीय दूतावासमा आयोजित एक कार्यक्रममा पालिका अध्यक्ष सुर्य बहादुर कुलुङले एम्बुलेन्स बुझेपछि अध्यक्ष कुलुङले दीगोपनाको सोचसहित कार्यविधि बनाएर न्यूनतम शुल्कमा महाकुलुङका नागरिकलाई सेवा प्रवाह गर्ने बताए ।
