विराज कप पुस ११ गतेदेखि
काठमाडौँ, पुस ४-
खेल पर्यटनको विकास गर्ने उद्देश्यका साथ ओखलढुंगाको जन्तरखानी गाविसमा पुस ११ गतेदेखि भलिबल प्रतियोगिता आयोजना हुने भएको छ। ३ दिनसम्म सञ्चालन हुने प्रतियोगिताको उपाधि विजेताले विराज कप ट्रफीसँगै २५ हजार नगद पुरस्कार जित्ने जानकारी सह-आयोजक विराट समाजका हरिप्रसाद दाहालले दिए। प्रतियोगिताको उपविजेताले १५ हजार तथा तेस्रो हुने टिमले १० हजार नगद पुरस्कार जित्ने उनले बताए।
विराट समाज,काठमाडौं र जलदेवी समाजसेवी युवा क्लब, जन्तरखानीले संयुक्त रुपमा प्रतियोगिता आयोजना गर्न लागेका हुन्। भलिबल आयोजनासँगै पुस ११ गतेदेखि विराज समाजले नागरिक सम्मान, विराज छात्रवृत्ति प्रदान, न्यायो कपडा वितरण लगायतका कार्यक्रम गर्नेछ।
