- TRENDING
- ENGLISH
हालको खबर
नवलपरासीमा ट्रकको ठक्करले एक जनाको मृत्यु
नवलपरासी, माघ १३ –
नवलपरासीको दुम्किबासमा ट्रकले ठक्कर दिँदा मोटरसाइकलमा सवार एक जनाको मृत्यु भएको छ ।
इलाका प्रहरी कार्यालय नयाँबेलहानीका अनुसार पूर्वपश्चिम राजमार्गको दुम्किबास ५ घिउ खोलामा नम्बर नखुलेको ट्रकले ठक्कर दिँदा ना १९ प ६५२६ नम्बरको मोटरसाइकलमा सवार नवलपरासीको गैडाकोट ६ निवासी २९ वर्षीय तारा घिमिरेको घटनास्थलमै मृत्यु भएको हो ।
मोटरसाइकल चालक तारा घिमिरेका दाजु ४३ वर्षीय वालकृष्ण ढकाल गम्भीर घाइते भएका छन् ।
घाइते ढकालको भरतपुरमा उपचार भइरहेको र ठक्कर दिने सवारीको खोजी कार्य भइरहेको प्रहरीले जनाएको छ ।
