नरायणी अनलाइनकर्मी पौडेल सम्मानित
चितवन,माघ ५-
पूर्वी चितवनको खैरहनीमा संचालन भएको खिचरा महोत्सव समापनको अवसरमा नरायणी अनलाईनकर्मी बिकास पौडेल सम्मानित भएका छन् । खिचरा महोत्सव अवधिमा उत्कृष्ठ समाचार लेखन, प्रकाशन, प्रशारण गरेका कारण अनलाईनका प्रमुख संवाददाता पौडेललाई नगद सहित सम्मान गरिएको हो ।
उनिसंगै चितवन पोष्ट दैनिकका संवाददाता होमनाथ सापकोटा र आभास टेलिभिजनकी समाचारवाचिका एवम संवाददाता करुणा देवकोटा पनी सम्मानित भएकी छन् ।त्यस्तै थारु समुदायको कला संस्कृति, भाषा एवम रहनसहको विषयमा उत्कृष्ठ समाचार लेखे बापत उत्कृष्ठ थारु पत्रकारिता पुरस्कारबाट राससका चितवन संवाददाता नारायण ढुंगाना सम्मानित भएका छन् । सम्मानित सबैलाई नगद पुरस्कार सहित सम्मान पत्रले सम्मान गरिएको थियो ।
