ट्रम्पलाई हृवाइट हाउस प्रवेशमा रोक्ने प्रयास असफल
काठमाडौं, पुस ५-
राष्ट्रपति चुनाव जितेका डोनाल्ड ट्रम्पलाई हृवाइट हाउस प्रवेश गर्न नदिने प्रयास असफल भएको छ । अमेरिकी इलेक्टोरल कलेजले उनलाई राष्ट्रपति निर्वाचित गरेको छ ।
चुनाव जितेको ६ सातापछि ट्रम्पले २७० इलेक्टोरल भोट पाएका छन्, जसले औपचारिक राष्ट्रपति चुनिएका छन् । ट्रम्पले देशलाई एकतावद्ध बनाएर कडा परीश्रम गर्ने प्रतिवद्धता जनाएका छन् ।
ट्रम्पलाई मत नदिन भन्दै इलेक्टोरलहरुलाई हजारौं इमेल र फोन आएको थियो । उसो त सबै राज्यका इलेक्टोरलहरुले जनमत भन्दा फरक भोट दिन सक्दैनन् । तर, केहीमा भने यो छुट थियो ।
टेक्ससका इलेक्टोरहरुले जनमत अनुसार ट्रम्पकै पक्षमा मत दिए । तर, दुई जनाले भने विपक्षमा मत हालेका छन् ।
न्यूयोर्क टाइम्सले चार डेमोक्राट इलेक्टोरले पनि हिलरी क्लिन्टनको साटो अरुलाई नै भोट दिएको दाबी गरेको छ ।
