सेयर कारोबार घट्यो
काठमाडौँ, मंसिर २१ –
धितोपत्र बजारमा नेप्से परिसूचक आज उकालो लागेको छ ।
नेपाल स्टक एक्स्चेन्जका अनुसार आज बजार ९।९१ प्रतिशतले उकालो लागेको छ । कुल १३६ कम्पनीको नौ लाख ४० हजार ४२१ कित्ता सेयर रु ७७ करोड १८ लाख १९ हजार ३०१ मूल्य बराबरको सेयर कारोबार भएको छ । नेप्से परिसूचक उकालो लागे पनि कारोबार रकम भने आज घटेको छ ।
बजार खुल्नेबित्तिकै एक हजार ५४४ बिन्दुमा रहेको नेप्से उतारचढाव भई एक हजार ५५४ बिन्दुमा पुगेको छ । ठूला कम्पनीको सेयर मापन गर्ने सेन्सेटिभ इन्डेक्ससमेत ०।७१ प्रतिशतले बढेको छ । जलविद्युत् समूहको सेयर ओरालो लाग्दा अन्य समूहको सेयर भने उकालो लागेको छ । बैंकिङ ०।४१, होटल २।७३, विकास बैंक ०।१४, फाइनान्स ०।७३, बिमा २।४५, उत्पादन ०।११ र अन्य समूह ०।०८ प्रतिशतले बढेको छ । – रासस
