महिला तथा बालबालिका सम्बन्धि उजरी दिनु छ ? यो नम्बरमा फोन गर्नुस्
चितवन, मंसिर २०–
महिला तथा बालबालिका सम्बन्धि धेरै घटनाहरु गुपचुप नै हुन गरेका छन् । सहज रुपमा घटना बारे जानकारी गराउन समस्या भएकाले धेरै जसो घटना बाहिर आउँदैन । अब भने जिल्ला प्रहरी कार्यालय चितवनले यस्तो घटना बारे जानकारी गराउन परेमा सिधै मोवाईल नम्बरमा सम्पर्क गर्न सक्ने व्यवस्था मिलाएको छ ।
महिला तथा बालबालिका सम्बन्धि घटनाहरुको तत्काल उजुरी तथा सुनुवाई सम्बन्धमा सम्बन्धित पीडित तथा सहयोगी व्यक्ति÷संघसंस्था समेतले सिधा सम्पर्क गरी सूचना दिन कठिनाई रहेको भन्ने जनगुनासो सुनिएपछि यस्तो सहज व्यवस्था गरिएको प्रवक्ता एवंम प्रहरी नायव उपरीक्षक दीपक श्रेष्ठले जानकारी दिनुभयो । उहाँले त्यस्ता घटनाहरुको तत्कालै सुचनाको लागि ९८५५०८२७४४ नम्बरको मोवाईल फोनको व्यबस्था गरिएको जानकारी दिनुभयो । यस नम्बरमा तत्कालै घटना बारे जानकारी दिए प्रहरीलाई समेत सहज हुने उहाँको भनाई छ ।
