Gaule Khabar
शुक्रबार, मंसिर २३, २०७९
Gaule Entertainment Media Group Pvt.Ltd.

गृहमन्त्री निधि भोली चितवन आउँदै, एकै दिन दुई कार्यक्रममा सहभागि हुने

  • admin
  • सोमवार, मंसिर २०, २०७३
[sharethis-inline-buttons]
गृहमन्त्री निधि भोली चितवन आउँदै, एकै दिन दुई कार्यक्रममा सहभागि हुने

चितवन, मंसिर २०–

उपप्रधान तथा गृहमन्त्री विमलेन्द्र निधि भोली (मंगलबार) चितवन आउँदै हुनुहुन्छ । पूर्वी चितवनमा आयोजित महायज्ञ कार्यक्रम र नेपाल दलित संघ चितवनको आयोजनामा ‘संविधानमा दलित अधिकार र स्थानीय निकायमा दलितको पहुँच’ विषयमा हुन लागेको प्रशिक्षण कार्यक्रममा सहभागि हुन मन्त्री निधि चितवन आउन लाग्नुभएको हो ।

गृहमन्त्री आउने कार्यक्रमको सम्पूर्ण तयारी पुरा भएको संघकी जिल्ला अध्यक्ष शान्ती परियारले जानकारी दिनुभयो । संविधानमा दलितको अधिकारबारे जानकारी दिनुका साथै राज्यको हरेक तह र तप्कामा दलितहरुको पहुच बढाउन सहयोग पुर्याउने उद्धेश्यले कार्यक्रमको आयोजना गरिएको अध्यक्ष परियारको भनाई छ ।

उद्योग बाणिज्य संघ चितवनको सभाहलमा हुने कार्यक्रम भोली र पर्सी २ दिन हुनेछ । सो कार्यक्रममा १ सय ५० जिल्लाका दलित संघका प्रतिनिधिको सहभागिता रहने बताइएको छ । प्रतिनिधिहरुलाई नै दलित अधिकारबारे अनविज्ञता रहेकाले यस कार्यक्रमलाई अर्थपुर्ण रुपमा हेरिएको छ । सोही अवसरमा नेपाली काँग्रेसमा योगदान पुर्याएका दलित नेता सहित अन्य व्यक्तिहरुलाई सम्मान गर्ने कार्यक्रम रहेको छ । कार्यक्रममा दलित संघको केन्द्रिय अध्यक्ष मीन विश्वकर्मा, नेपाली काँग्रेसको केन्द्रीय सदस्य डीला संग्रौला, तरुण दलको पूर्व केन्द्रिय सदस्य महेश दाहालले प्रशिक्षण दिनुहुने अध्यक्ष परियारले बताउनुभयो ।

यस्तै पूर्वी चितवनको रत्ननगर–१३ जयमगंला आयोजना गरिएको श्रीमद् भागवत धन धान्याञ्चल ज्ञान महायज्ञको गृहमन्त्री निधिले उद्घाटन गर्नुहुनेछ । श्रीराम मन्दिर तथा श्रीराम वैदिक संस्कृत गुरुगुलमको संयुक्त आयोजनामा यहि मंसिर २१ गते देखि २९ गतेसम्म महायज्ञ हुन लागेको हो । वैदिक सनातन धर्म र संस्कृतिको संरक्षण र संबद्र्धन तथा संस्कृत शिक्षाको केन्द्रको रुपमा यस मन्दिरको विकासका लागि श्रीमद् भागवत धन धान्याञ्चल ज्ञान महायज्ञ आयोजना गर्न लागिएको मुल समारोह समितिका संयोजक भेषराज दुवाडीले जानकारी दिए । संयोजक दुवाडीले रत्ननगरको ऐतिहांसिकता बोकेको सो मन्दिर परिसरको स्तरोन्नतिका लागि महायज्ञ आयोजन गर्न लागिएको बताए ।

महायज्ञबाट संकलित रकमले हालको गुरुकुलमको कक्षा १० जोड २ सम्म स्तरोन्नति गर्ने, पुरानो ऐतिहाँसिक संरचनाको जिर्णोद्धार गर्ने, मन्दिर परिसरमा विवाह मण्डप र छात्रावास निर्माण गर्ने तथा गुरुकुलमका लागि छुट्टै आवास निर्माण गर्ने लक्ष्य राखिएको दुवाडीले जानकारी दिए । ८ दिनसम्म चल्ने महायज्ञमा प्रत्येक दिन सबैभन्दा बढि दान गर्ने दाताहरुको नाम रेडियो र पत्रिकाबाट प्रशारण तथा प्रकाशन गरिने आयोजकले जनाएको छ । महायज्ञ अबधिभर प्रमुख बाचक पण्डित अच्युतकृष्ण अधिकारीको मुखारविन्दबाट कथा बाचन गर्ने सो महायज्ञ सम्पन्न गर्न करिव ७ लाख रुपैयाँ खर्च लाग्ने र १ करोड भन्दा बढि रकम संकलन हुने आयोजकको अनुमान रहेको संस्थापक अध्यक्ष कृष्णप्रसाद दुवाडीले जानकारी दिए ।

वि.सं. २०४९ सालमा श्रीराम मन्दिर र २०६४ सालमा श्रीराम वैदिक संस्कृत गुरुकुलमको स्थापना भएको हो । गुरुुकुलममा हाल ५० जना विद्यार्थी आवासीय रुपमा अध्ययनरत छन । यस अगाडि मुठीदानद्धारा संकलित रकम र नेपाल सरकारबाट प्राप्त केही अनुदानको भरमा सो विद्यालय सञ्चालन भईरहेको छ । हाल गुरुकुलमा ७८३ जना आजीवन सदस्य मध्ये ५ सय जनाले मुठीदान गर्ने गरेका छन । गुरुकुलमा आजीवन सदस्य पनि वृद्धि गरी २ हजार जना पुर्याउने लक्ष्य रहेको गुरुकुलका प्राचार्य बैकुण्ठ अधिकारीले जानकारी दिए । महायज्ञको प्रचारप्रसारको लागि सोमवार पूर्वी चितवनका विभिन्न स्थानमा मोटरसाईकल र्याली गरिएको छ । सो र्याली महायज्ञ स्थलबाट सुरु भई पूर्वी चितवनका विभिन्न क्षेत्रहरु परिक्रमा गरेको थियो ।

[sharethis-inline-buttons]

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ