Gaule Khabar
बुधबार, भदौ १, २०७९
Gaule Entertainment Media Group Pvt.Ltd.

पुस २ गते प्रधानमन्त्री प्रचण्ड चितवन आउने

  • admin
  • सोमवार, मंसिर २०, २०७३
पुस २ गते प्रधानमन्त्री प्रचण्ड चितवन आउने

चितवन, मंसिर २०–
प्रधानमन्त्री एवंम नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ चितवन आउनु हुने भएको छ ।
आउँदो पुस २ देखि ४ गतेसम्म चितवनमा हुन लागेको नेपाल आदिवासी जनजाति महासंघको नवौं महाधिवेशनको समुद्घाटन गर्न प्रधानमन्त्री दाहाल चितवन आउन लाग्नु भएको हो । आज आदिवासी जनजाति महासंघका घटक जातिय संगठनका प्रमुखहरुको छलफलमा महासंघका अध्यक्ष नगेन्द्र कुमार कुमालले प्रधानमन्त्री चितवन आउने तय भई सकेको जानकारी दिनुभयो । उहाँले प्रधानमन्त्रीसंगै विभिन्न पार्टीका शीर्ष नेताहरु समेत चितवन आउने जानकारी दिनुभयो ।
महासंघको महाधिवेशन पुस २ गते भरतपुरस्थित वीरेन्द्र बहुमुखी क्याम्पसको प्राङगणमा समुद्घाटन हुनेछ । अहिले महाधिवेशनको तयारी धमाधम भईरहेको छ । विभिन्न उपसमिति निर्माण गरि तयारी थालिएको महासंघका उपाध्यक्ष सूर्यबहादुर भुजेलले जानकारी दिनुभयो । महासंघ चितवनका अध्यक्ष पदमबहादुर गुरुङले जिल्लामा महाधिवेशनको तयारी व्यापक रुपमा भईरहेको जानकारी दिनुभयो । उहाँले उद्घाटनको दिन भव्य झाकी सहितको र्याली समेत निश्किने बताउनुभयो ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ