जिल्ला प्रहरी कार्यालय बाँके अनुसन्धानमा उत्कृष्ट
नेपालगन्ज,मंसिर २६-
अपराध अनुसन्धानको क्षेत्रमा उत्कृष्ट काम गरेको भन्दै जिल्ला प्रहरी कार्यालय बाँके उत्कृष्ट घोषित भएको छ ।
गम्भिर अनुसन्धानको कुशल अनुसन्धान गरी अपराधिहरुलाई कानुनी कठघरामा उभ्याएको, सिमित श्रोत–साधनको उच्चतम उपयोग गरेको, नागरिकमैत्री सेवा प्रदान गरेकोमा प्रशंसा गर्दै प्रहरी प्रधान कार्यालयले जिल्ला प्रहरी कार्यालय बाँकेलाई सम्मान गरेको हो । देशभरका जिल्ला प्रहरी कार्यालयहरुलाई पछाडि पार्दै बाँके उत्कृष्ट घोषित भएको हो ।
हरेक बर्ष मंसिर २४ गते नेपाल प्रहरीले मनाउँदै आएको अपराध अनुसन्धान दिवसको अवसर पारेर कार्यालयलाई सम्मान समेत गरिसकिएको छ । जिल्ला प्रहरी कार्यालय बाँकेका प्रमुख टेक प्रसाद राईले आफु कार्यरत जिल्ला उत्कृष्ट घोषित हुँदा थप काम गर्ने उत्साह थपिएको बताउनुभयो ।
त्यस्तै जिल्ला प्रहरी कार्यालय बाँके अन्तरर्गतको महिला बालबालिका सेवा केन्द्रमा कार्यरत प्रहरी सहायक निरीक्षक श्याम कुमारी पाइजा मगर पनी प्रहरी प्रधान कार्यालयबाट सम्मानित हुनुभएको छ ।महिला तथा बालबालिका क्षेत्रमा सह्रानिय कार्य गरेको भन्दै अन्तरराष्ट्रिय मानवअधिकार दिवसको अवसर पारेर मगरलाई सम्मान गरिएको हो ।
