सोलुखुम्बुबाट छुटेको बोलेरो दुर्घटना
काठमाण्डौ । सोलुखुम्बुबाट ओखलढुंगाका लागि छुटेको बोलेरो दुर्घटना हुँदा एक जना गम्भिर घाईते भएका छन् ।
सल्लेरीबाट छुटेको प्रदेश १–०७–००१ च ०००५ नम्बरको बोलेरो शुक्रबार अपरान्ह ओखलढुंगाको रमाइलोडाँडामा दुर्घटना भएको हो । दुर्घटना हुदा सिद्धिचरण नगरपालिका ७ विगुटारका ४४ वर्षीय नाम्गेल शेर्पा गम्भीर घाइते भएको जिल्ला प्रहरी कार्यालय ओखलढुंगाले जनाएको छ ।
शेर्पाको टाउकोमा चोट लागेका हुदा ओखलढुंगा सामुदायिक अस्पतालमा उपचार भईरहेको प्रहरीले जनाएको छ । बोलेरो अनियन्त्रित भएर सडकमुनि खसेको प्रत्यक्षदर्शीले बताएका छन् । बोलेरोमा चालकसहित ४ जना सवार थिए । अन्यको अवस्था भने सामान्य रहेको जनाएको छ ।
