बार्सिलोनाका एलेक्स भिडाल ५ महिना खेल्न नसक्ने
फागुन १ –
बार्सिलोनाका फुल–ब्याक एलेक्स भिडाल अबको पाँच महिना खेल्न नसक्ने भएका छन् । स्पेनिस ला लिगा अन्तर्गत शनिबार राति एलाभेससँगको खेलको क्रममा भिडालको दायाँ खुट्टाको गोलीगाँठोमा चोट लागेको हो । उनको जोर्नीटुटेको छ । खेलको ८५ औं मिनेटमा एलाभेसका थियो हर्नान्नडेजसँग ठोक्किएपछि उनको गोलीगाँठोमा चोट लागेको हो । त्यसपछि २७ वर्षका भिडाललाई स्ट्रेचरमा राखेर मैदान बाहिर लगिएको थियो । 
उनको चोट गम्भीर रहेको र यो सिजनका बाँकी खेल खेल्न नसक्ने जनाइएको छ । ओसासुनासँगको खेलमा बार्सिलोना ६ – ० ले बिजयी भयो ।
