चितवन, माघ २९–

धार्मिक तथा पर्यटकीय क्षेत्रको रुपमा देवघाटधामलाई विकास गर्न आँपटारी देवघाटधाम धार्मिक पुष्प बाटिका निर्माण समितिद्वारा निर्माण भईरहेको धार्मिक पुष्प बाटिकाको निर्माण कार्यलाई तिव्रता दिईएको छ । देवघाटको महिमालाई अझै फराकिलो बनाउन यस पुष्पबाटिकाले विशेष महत्व राख्ने धार्मिक पुष्प बाटिका निर्माण समितिको विश्वास छ ।
धार्मीक क्षेत्रमा प्रबेश गरेको अनुभुती हुने तरिकाले कार्य गरिरहेको आँपटारी देवबघाटधाम धार्मिक पुष्प बाटिका निर्माण समितिका अध्यक्ष तथा देवघाट क्षेत्र विकास समितिका अध्यक्ष टंकनाथ पौडेलले बताउनुभयो । साथै उहाँले आँपटारी देवघाटधाम धार्मिक पुष्पवाटिका २०७३ सम्म जलदेबी सिमाना सम्म निर्माण गरिने लक्ष्य सहित अगाडी बढेको जानकारी दिनुभयो । त्यस क्षेत्रको बिचमा बाटो साँघुरो भएको बताउँदै उहाँले सडक डिभिजन कार्यलयसंग छलफल गरि बाटो फराकिलो बनाई बाटिका निर्माण हुने अध्यक्ष पौडेलले बताउनुभयो । यस क्षेत्रमा आउने भक्तजन तथा पर्यटकहरुलाई धार्मिक क्षेत्रमा प्रवेश गरेको आभास दिलाउन विभिन्न भगवानको प्रतिमाहरु पनि निर्माण गरिएकोे देवघाट क्षेत्र विकास समितिका अध्यक्ष पौडेलले जानकारी दिनुभयो ।

देवघाटधाम पूजा अर्चना, काज क्रिया तथा घुमघामको लागि पनि धेरैको रोजाईमा पर्ने गरेको छ । यस्तै, धार्मिक तथा सांस्कृतिक महत्व बोकेको यस क्षेत्रको विकासले आर्थिक समृद्धिलाई पनि संगै लैजान सहयोग पुग्ने पौडेलले विश्वास लिएका छन् । एशियामा प्रसिद्ध तिर्थस्थल, यस देवघाटधाममा नेपालका विभिन्न जिल्ला तथा भारतबाट पनि वर्षेनी धेरै धार्मिक पर्यटकहरु आउने हुंदा यस क्षेत्रको विकास आवश्यक पनि रहेको छ ।