कागती हेर्नुहोस् : स्तन क्यान्सर थाहा पाउनुहोस्

काठमाडौं, माघ २२ –

विश्वमा फोक्सोको क्यान्सरपछिको सबैभन्दा धेरै ज्यान लिने क्यान्सर स्तन क्यान्सर हो । विकासित तथा विकासशील दुवै देशका महिलामा स्तन क्यान्सरको जोखिममा रहेका विश्व स्वास्थ्य संगठन डब्लुएचओले जनाएको छ ।
स्तनमा लागेको क्यान्सर पहिलो चरणमै थाहा भए उपचार सहज हुन्छ भने महिलाले क्यान्सरकै कारण स्तन गुमाउनुपर्ने वा ज्यानै गुमाउनुपर्ने अवस्था आउँदैन ।
महिलाले आफैले जाँच गरेर पनि स्तनमा आएका परिवर्तन क्यान्सरको संकेत हो वा होइन भन्ने पत्ता लगाउन सक्छ । तर एक अध्ययनका अनुसार स्तन क्यान्सर भएका ३ प्रतिशत महिलाले यस्ता संकेतलाई वेवास्ता गर्ने गरेका छन् । अझ अशिक्षित र विकासशील क्षेत्रका महिलालाई आफ्नो स्तनमा कस्ता परिवर्तन आएमा क्यान्सरको जोखिम हुन्छ भन्ने नै थाहा हुँदैछ ।
त्यसैले क्यान्सरबारे सचेतना जगाउन बनेको च्यारिटि संस्थाले स्तन क्यान्सरको संकेत थाहा पाउन नो यो लेमन तस्बिर बनाएको छ ।
जसमा विभिन्न आकार प्रकारका कागती राखिएको छ, यदि महिलाको स्तनमा पनि यी कागतीको जस्तै लक्षण भए त्यो स्तन क्यान्सरको संकेत हुने भनेर सचेतना जगाउन यसले मद्दत पुग्ने अपेक्षा गरिएको छ । तपार्इंको स्तनमा पनि चित्रमा देखाइएको कागतीको जस्तै समस्या पो छ की, हेरेर जाँच गर्नुहोस् । –एजेन्सी