पूर्व राष्ट्रपति ओबामा प्राइभेट कम्पनीमा जागिर गर्दै
एजेन्सी । अमेरिकी राष्ट्रपतिको जिम्मेवारीबाट बाहिरीएपछि बराक ओमाबाले अब के गर्छन् भन्ने जनचासो भएका बेला उनले एक प्राइभेट कम्पनीमा जागिरका लागि आवेदन दिएका छन् ।
उनले वासिङ्गटन डिसीमै एक घर भाडामा लिएर जागिर गर्ने योजना बनाइसकेका छन् । तर, उनी कुन कम्पनीमा काम गर्ने तयारी गर्दैछन् भन्ने खुलाइएको छैन । आफूसंग कार नभएपछि जागिर गर्न उनी बाइक चढ्ने छन् ।
अमेरिकाको कानुनअनुसार पूर्वराष्ट्रपतिलाई बस्नका लागि सरकारले कुनै पनि व्यवस्था गर्दैन । तर, उनलाई सरकारले सुरक्षा व्यवस्था भने मिलाएको छ । परिवारका सदस्यहरुलाई पनि अप्रत्यक्ष रुपमा सुरक्षा दिइनेछ ।
उनी आफ्नो कान्छो छोरीको पढाई नसकिएकाले भाडामा बस्न लागेका हुन् । यद्यपी उनको घर भने सिकागोमा रहेको अन्तर्राष्ट्रिय सञ्चारमाध्यमले जनाएका छन् ।
