चितवन, माघ १९–

रोटरी क्लव अफ भरतपुरले आजबाट चाईल्ड डे केयर सेन्टर संचालनमा ल्याएको छ ।
भरतपुर–४ बेलचोकस्थित भगवती टोलमा निम्न आय भएका परिवारलाई लक्षित गरि चाईल्ड डे केयर संचालनमा ल्याएको हो ।
आज एक कार्यक्रमकाबीच रोटरी इन्टरनेशनल डिष्ट्रिक्ट ३२९२ का एजी निरञ्जन प्रधानले चाईल्ड केयरको उद्घाटन गर्नुभयो । कार्यक्रमका संयोजक आईपी ढकालले चाईल्ड डे केयरको बारेमा प्रकाश पार्नुभएको थियो । कार्यक्रममा विभिन्न रोटरी र रोटर्याक्ट क्लवका प्रतिनिधिहरुको सहभागिता रहेको थियो । सो चाइल्ड डे केयरमा २५ जना बालबालिकाहरु राख्न सकिने छ । आज पहिलो दिन १५ जना बालबालिकाहरुले सेवा लिएका छन् । सो चाईल्ड डे केयरमा २ देखि पाँच वर्षसम्मका बालबालिकाहरुले निःशुल्क सेवा लिन पाउने छन् । कार्यक्रम रोटरी क्लव अफ भरतपुरका अध्यक्ष बसन्त रानाभाटको अध्यतामा सम्पन्न भएको थियो ।