तीनै तहको निर्वाचन घोषणा गर्न माग
काठमाडौं, माघ १३ –
नेकपा (एमाले)का प्रमुख सचेतक भानुभक्त ढकालले सरकारलाई तीनै तहको निर्वाचन मिति एकै पटक घोषणा गर्न माग गर्नुभएको छ ।
अनेरास्ववियु केन्द्रीय खेलकुद विभागको आयोजनामा सहिद दिवसका अवसरमा ‘उपत्यकास्तरीय अन्तरकलेज फुटसल प्रतियोगिता’को आज उद्घाटन गदै उहाँले निर्वाचन गर्न कानुनी आधार तयार भइसकेकाले केन्द्र, प्रदेश र स्थानीय तहको निर्वाचनको मिति एकै पटक घोषणा गर्न आग्रह गर्नुभयो । ‘‘निर्वाचन गर्नका लागि मतदाता नामावली विधेयक र निर्वाचन आयोग विधेयक पारित भइसकेको छ’’उहाँले भन्नुभयो,‘‘अब चाँडै निर्वाचनको घोषणा गरी देशलाई निकास दिनुपर्दछ ।’’
प्रतियोगितामा काठमाडौँ उपत्यकाका २२ कलेजको सहभागिता रहेको अनेरास्ववियुका अध्यक्ष नवीना लामाले जानकारी गराउनुभयो । प्रतियोगिता शुक्रबारसम्म चल्ने छ । – रासस
