कांग्रेस नेता शेरबहादुरको निधन, खुमबहादुरलाई पारिवारिक शोक
काठमाडौं, माघ ६ –
नेपाली कांग्रेसका प्रभावशाली नेता खुमबहादुर खड्काका दाई एवम् प्रजातन्त्र सेनानी शेरबहादुर खड्काको निधन भएको छ ।८३ वर्षीय खड्काको बाँकेको कोहलपुरमा उपचारका क्रममा मंगलबार निधन भएको हो । खड्काको अन्तिम दाहसंस्कार भने बुधबार दाङको देउखुरी सतवरियास्थित राप्ती नदीमा गरिएको कांग्रेस सांसद पार्वती डिसी चौधरीले जानकारी दिइन् ।
खड्का सवपरिवार सतवरिया गाविसको गोजेनामा बसोबास गर्दै आएका थिए । उनले दाङको कांग्रेस राजनीति गर्दै आएका थिए ।खड्कालाई अन्तिम श्रद्धाञ्जलि दिन कांग्रेसका केन्द्रीय सदस्यद्वय डा.मीनेन्द्र रिजाल र पावर्ती डिसी चौधरी डिसी, दाङ कांग्रेसका सभपाति कीर्तिबहादुर खड्का गोजेनास्थित निवासमा बुधबार पुगेका थिए ।
खुट्टा नलाग्ने समस्याबाट पीडित खड्का ट्वाइलेटमा लडेर घाइते भएका हुन् । घाइते भएपछि खड्कालाई तत्काल कोहलपुर मेडिकलमा उपचारका लागि लगिएको थियो । उनको उपचारकै क्रममा निधन भएको हो ।खड्काका दुई छोरा र पाँच छोरी छन् । खड्काका दुई पत्नी हुन् । जेठी पत्नीका निधन भइसकेको छ ।
