धनकुटाको फाक्सिव-६ मा विवाहको गाडी दुर्घटना हुँदा ३ जनाको मृत्यु भएको छ भने ४ जना घाइते भएका छन् ।मोरङको केराबारी ७ बाट फाक्सिव गएको को १ च ८१८ नम्बरको गाडी सिजिबुङ खयरवनी पाखोमा दुर्घटना भएको प्रहरीले जनाएको छ । दुर्घटनामा केराबारीका २३ वर्षीय मिलन मगर, ३० वर्षीय विक्रम मगर र २५ वर्षीया अइता राईको मृत्यु भएको छ।
दुर्घटनामा घाइते भएका चार जनाको वीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ भने बाँकी सामान्य उपचार गरेर फर्किएका छन् । दुलाह दुलहीको अवस्था भने सामान्य छ ।दुर्घटनापछि फरार भएका चालक विक्रम सार्कीलाई प्रहरीले नियन्त्रणमा लिएको जिल्ला प्रहरी कार्यालय धनकुटाले जनाएको छ ।
