Gaule Khabar
आइतवार, साउन २९, २०७९
Gaule Entertainment Media Group Pvt.Ltd.

रुपन्देही प्रहरी भन्छः तिवारीको हत्यामा पुरानो रिसिइबी कारण, मनोज पुनको संग्लनता

  • admin
  • मङ्लबार, पुस ५, २०७३
रुपन्देही प्रहरी भन्छः तिवारीको हत्यामा पुरानो रिसिइबी कारण,  मनोज पुनको संग्लनता

बुटवल, पुस ५–

युवा संघ रुपन्देहीका अध्यक्ष दुर्गा तिवारीको हत्यामा देवदह नपा ६ का २८ वर्षीय मनोज पुन भन्ने पनोज बुढाको मगरको प्रत्यक्ष संग्लनता देखिएको रुपन्देही प्रहरीले बताएको छ ।
सोमबार दिउँसो देवदहको खैरनी बजारमा तिवारी माथि गोली प्रहार गरिएको थियो । कोखामा गोली लागेका उनको देवदह मेडिकल कलेजमा उपचारका क्रममा निधन भएको हो ।

‘घटनाको अनुसन्धान गर्दा हालसम्म तिवारीको हत्यामा मनोज पुनको प्रत्यक्ष संग्लनता रहेको पाइएको छ’, रुपन्देहीका प्रहरी नायब उपरीक्षक बेलबहादुर पाण्डेले भने ।

पुनको तिवारीसँग पुरानो रिसिइबी रहेको र ९ महिना अघि पनि पुनले तिवारीमाथि गोली प्रहार गराउनु (आक्रमण) अघि २० लाख रुपैयाँ फिरौती मागेको अनुसन्धानमा खुलेको छ ।

आरोपी मनोज मगर पुन विगतमा एमालेकै कार्यकर्ता थिए । उनी ४÷५ वर्ष अघि सानोतिनो ठेक्कापट्टा गर्थे । र, गुण्डागर्दी (झैभगडा) गरेको आरोपमा प्रहरीले पक्राउ पनि गरेको थियो ।

तिवारीको हत्यापछि पुनले विदेशी नम्बरबाट देवदहको एक स्थानीय व्यक्तिलाई फोन सम्पर्क गरेर तिवारी हत्या आफुले गराएको जानकारी दिएका थिए । फोन आउने समयमा उक्त व्यक्ति इलाका प्रहरी कार्यालय बुटवलका डीएसपी मुकुन्द मरासिनीसँगै थिए र सो संवाद डीएसपी मरासिनीले सुने ।

फोन आएको नम्बरको विषयमा प्रहरीले अनुसन्धान गर्दा उक्त फोन इन्टरनेटको प्रयोग गरी गरिएको पाइएको छ ।
–अनलाईन खबरबाट

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ