चितवन, पुस २–
नेपाली कांग्रेसका महामन्त्री डा. शशांक कोईरालाले स्थानीय तहमा पार्टीलाई अझ सशक्तरुमा स्थापित गराउन सकृयपूर्वक लाग्न नेता–कार्यकर्तालाई निर्देशन दिनुभएको छ ।
नेपाली काँग्रेस रत्ननगर नगर समितीको आयोजनामा शनिबार भएको कार्यकर्ता भेटघाट, बनभोज तथा सम्मान कार्यक्रम बोल्दै उहाँले यस्तो बताउनुभएको हो । उहाँले स्थानीय निकायको निर्वाचनमा पार्टीलाई पहिलो बनाउन अहिलेदेखि नै सक्रिय भएर लाग्नुपर्ने बताउनुभयो ।
रत्ननगरस्थित टिकौली चौरमा आयोजना गरिएको कार्यक्रमका बिशेष अतिथी तथा कांग्रेस केन्द्रिय सदस्य प्रदिप पौडेलले केन्द्रका गतिबिधिबारे स्थानीय नेता कार्यकर्तालाई जानकारी गराउनुभएको थियो ।

यसैबी नेपाली कांग्रेस रत्ननगर नगर समितीले रत्ननगर नगरपालिका भित्र ७० बर्ष पुगेका ज्येष्ठ क्रियाशिल सदस्यलाई सम्मान गरेको छ । नगरका २ सय २५ जना ज्येष्ठ क्रियाशिल सदस्यलाई सम्मान गरिएको नगर सभापति रुपनराज घिमिरेले जानकारी दिनुभयो ।

यस्तै उहाँका अनुसार विभिन्न क्षेत्रमा रहेर समाजमा योगदान पुर्याएका १५ अगुवालाई समेत कार्यक्रम सम्मान गरिएको थियो ।

यसैबीच बिभिन्न दलबाट पार्टी परित्याग गरि ३ सय ३८ जना नेपाली काँग्रेसमा प्रबेश गरेका छन । उनिहरुलाई प्रमुख एवंम काँग्रेस महामन्त्री डा. शशांक कोईराला तथा केन्द्रिय सदस्य प्रदिप पौडेलले अबिर र खादा ओढाई पार्टी प्रबेश गराउनुभएको थियो ।

कार्यक्रममा कांग्रेस चितवनका जिल्ला सभापति जितनारायण श्रेष्ठ, सांसदहरु शेषनाथ अधिकारी, साबित्री चौधरी लगायतले बोल्नु भएको थियो ।

यस्तै कार्यक्रममा पुर्व सांसद एकनाथ रानाभाट, महासमिती सदस्य राजेन्द्र बुर्लाकोटी, अर्का महासमिती सदस्य दिनेश कोईराला, जिल्ला उपसभापति कैलाश कोईराला, जिल्ला सचिब उत्तम जोशी लगायतको सहभागिता रहेको थियो ।

नेता–कार्यकर्ताबिचको सम्बन्ध अझ प्रगाढ बनाउन र स्थानिय तहमा पार्टीले अब लिने रणनितिका बिषयमा छलफलका लागी कार्यक्रम आयोजना गरिएको नेपाली कांग्रेस रत्ननगरका नगर समितीका सभापति रुपनराज घिमिरेले बताउनुभयो ।