भवानी क्याम्पसको बन्यो नयाँ भवन, मन्त्री पाण्डेद्धारा उद्घाटन
गोरखा, मंसिर २५–
स्थानीय विकासमन्त्री हितराज पाण्डेले आज गोरखाको पालुङटारस्थित भवानी बहुमुखी क्याम्पस भवनको उद्घाटन गर्नुभयो ।
शान्ति मन्त्रालय, जिल्ला विकास समिति, पालुङटार नगरपालिकालगायत कार्यालयबाट प्राप्त भएको रु ४० लाख बजेटले आठकोठे भवन निर्माण भएको हो । ‘गोरखा भूकम्प’ले क्याम्पस भवनमा क्षति पुर्याएपछि विद्यार्थी टहरामा बसेर पढ्न बाध्य थिए ।
भवन हस्तान्तरण कार्यक्रममा सो क्याम्पसका ६८ जना सेयर लगानीकर्तालाई सम्मान गरिएको छ । भूकम्पले क्षति पु¥याएका संरचनाको पुनःनिर्माण सरकारको प्राथमिकतामा रहेका मन्त्री पाण्डेले बताउनुभयो । गोरखाको क्षेत्र नं २ का विभिन्न गाउँमा आयोजित कार्यक्रममा समेत मन्त्री पाण्डे सहभागी हुनुभएको थियो ।
