Gaule Khabar
मङ्लबार, साउन ३१, २०७९
Gaule Entertainment Media Group Pvt.Ltd.

दोलखामा २३ विद्यालय बने, तीनसय ४३ टहरामै

  • admin
  • मङ्लबार, मंसिर २१, २०७३
दोलखामा २३ विद्यालय बने, तीनसय ४३ टहरामै

दोलखा, मंसिर २१–

विद्यालयको पुनःनिर्माण हुन नसक्दा दोलखाका ३४३ विद्यालयमा अध्ययनरत विद्यार्थी अस्थायी शिक्षण केन्द्रमा नै रहेका छन् ।

जिल्लामा ३६६ वटा विद्यालय रहेकोमा भूकम्प गएको १९ महिना बिते पनि हालसम्म २३ वटा मात्र विद्यालय निर्माण भएका छन् ।

जिल्ला शिक्षा कार्यालय दोलखाका अनुसार दोलखामा ३७० विद्यालय रहेकामा गाभिएर ३६६ विद्यालय कायम भएको थियो ।

विसं २०७२ सालको विनाशकारी भूकम्पले २६० विद्यालयलाई पूर्णक्षति पु¥यायो भने ११० विद्यालयमा आंशिक क्षति पुगेको थियो । लामो समयसम्म पनि विद्यालय पुनःनिर्माण हुन नसक्दा बालबालिका अझै अस्थायी सिकाइ केन्द्रमा बस्न बाध्य छन् ।

अहिलेसम्म जिल्लामा सरकारी अनुदानबाट कुनै पनि विद्यालय बनेका छैनन् । विभिन्न सङ्घ संस्थासँग समन्वय गरेर ३६६ विद्यालयमध्ये २३ वटा विद्यालय बनिसकेको र १२ वटा विद्यालय निर्माणाधीन अवस्थामा रहेको जिल्ला शिक्षा कार्यालयका प्रमुख नारायणकाजी काशिछवाले जानकारी दिनुभयो । काशिछवाका अनुसार २३ वटा विद्यालयका १४४ कक्षा कोठा निर्माणका लागि सिफारिस भइसकेको छ ।

पच्चीसवटा विद्यालय निर्माणका लागि एसियाली विकास बैंकले चासो देखाएको छ भने भारतीय राजदूतावासले १० वटा र चिनियाँ दूतावासले तीनवटा विद्यालय बनाउन सहयोग गर्ने बताएका छन् । बाँकी ३०८ विद्यालयका लागि मन्त्रालयमा नै अनुरोध गरेको जिल्ला शिक्षा कार्यालयले बताएको छ । –रासस

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ