मासु पसल व्यवस्थित गर्न नगरप्रमुखलाई ध्यानाकर्षण
चितवन, मंसिर २०–
उपभोक्ता अधिकार संरक्षण मञ्च चितवनले बजार क्षेत्रमा रहेका अब्यवस्थीत मासु पसलहरुको ब्यवस्थापन गर्न माग गर्दै भरतपुर नगरप्रमुखलाई ध्यानाकर्षण पत्र बुझाएको छ ।
नारायणगढको लायन्सचोक र प्रगतीपथमा अब्यवस्थीत रुपमा भौसी र बंगुरको अस्वस्थ्कमकर मासु बिक्री गरिएको भन्दै त्यसलाई तत्काल ब्यवस्थापन गर्न आग्रह सहित भरतपुर उपमहानगर पालिकाका प्रमुख महेश बराललाई ध्यानाकर्षण पत्र बुझाएको हो । मञ्चका अध्यक्ष शैलेन्द्र कुमार श्रेष्ठको नेतृत्वमा सल्लाहकार केदार मल्ल, शैलेन्द्र पिया, बामदेव खनालसहित पुगेको टोलीले पत्र बुझाउदै एक हप्ता भित्रमा मासु बजारको ब्यवस्थापन गर्न आग्रह गरेको छ । लायन्सचोकमा ब्यवसायीहरुले भुईमै पशुको बद्धगरी खुल्ला रुपमै राखेर झिगा भन्काउदै मासुको ब्यापार गर्ने गरेका छन् । नगरपालिकालाई मासु बजारको ब्यवस्थापन गर्न पटक पटक आग्रह गर्दा पनि सुनुवाई नभएकाले नगरप्रमुखलाई ध्यानाकर्षण पत्र बुझाएको मञ्चका अध्यक्ष शैलेन्द्रकुमार श्रेष्ठले बताउनु भयो । मानिसले खाने मासुजन्य निकै सम्बेदन शिल खाद्यय बस्तु हिलो र धुलोमा माखा भन्काउदै बेच्दा पनि नगरपालिकाले टुलुटुलु हेरेर बस्नु नगर प्रमुख महेस बरालको लाचारी र हार मानसिक्ताको उपज भएको मञ्चका सचिव प्रकाश सिग्देलले बताउनु भयो ।
कार्यक्रममा बोल्दै नगरपालिकाका बातावरण प्रमुख बिराट घिमिरेले लायन्सचोकको मासु बजार ब्यवस्थापन गर्न निकै चुनौती भएको बताउनु भयो ।
