Gaule Khabar
मङ्लबार, साउन ३१, २०७९
Gaule Entertainment Media Group Pvt.Ltd.

विद्यालय ब्यवस्थापन समितीमा पहिलो पटक महिला

  • admin
  • शुक्रबार, मंसिर १७, २०७३
विद्यालय ब्यवस्थापन समितीमा पहिलो पटक महिला

चितवन, मंसिर १७–

पूर्वी चितवनको रत्ननगर–११ जमुनापुर स्थित श्री राष्ट्रिय प्रा वी जमुनापुरको विद्यालय ब्यवस्थापन समिती गठन गरिएको छ ।
पूर्वअध्यक्ष स्लाम मियाको अध्यक्षतामा बसेको बैठकले कार्यकाल पुरा गरेको पुरानो समिती खारेज गरि साबित्री सुवेदीको अध्यक्षतामा ७ सदस्यीय नयाँ कार्यसमिती निर्बिरोध चयन गरेको हो । यस विद्यालयमा महिला अध्यक्ष बनेको पहिलो पटक हो ।
सुवेदीको अध्यक्षतामा चुनिएको समितिमा सदस्यहरुमा बिनु मोक्तान, सुनिता गुरुङ्ग, स्लाम मिया, चन्द्रप्रसाद पौेडेल, कृष्णप्रसाद अधिकारी र युवराज राउत रहनुभएको छ । कार्यक्रममा विद्यालय निरिक्षक रामकृष्ण सिम्खडा, श्रोतब्यक्ती अनिता अधिकारी, बिद्यालयका पूर्व अध्यक्ष प्रधानाध्यापक, शिक्षक लगाएत अविभावकहरुको उपस्थिती रहेको थियो ।
कार्यक्रममा विद्यालय निरीक्षक रामकृष्ण सिम्खडाले शिक्षकको कमजोरीमात्र नदेखी आफ्नो कमजोरी पनि देख्न अविभावकलाई आग्रह गर्नुभयो । विद्यालय ब्यस्थापन समितिका नवनियुक्त अध्यक्ष सुवेदीले आफु सबैको साथ लिएर विद्यालय सुधारमा लाग्ने प्रतिवद्धता जनाउनुभयो । वि.सं. २०४६ सालमा स्थापित यस विद्यालयमा आगामी शैक्षिक सत्रदेखी अँग्रेजी माध्यमबाट पठनपाठन सञ्चालन गर्ने तयारी रहेको विद्यालयका प्रधानाध्यापक कृष्णप्रसाद अधिकारीले जानकारी दिनुभयो ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ