Gaule Khabar
मङ्लबार, मंसिर २०, २०७९
Gaule Entertainment Media Group Pvt.Ltd.

पर्सामा धान उत्पादन ६० प्रतिशतले बढ्यो, २ लाख १२ हजार मेट्रिक टन धान उत्पादन

  • admin
  • शुक्रबार, मंसिर १७, २०७३
[sharethis-inline-buttons]
पर्सामा धान उत्पादन ६० प्रतिशतले बढ्यो, २ लाख १२ हजार मेट्रिक टन धान उत्पादन

राधेश्याम पटेल,

पर्सा मंसिर १७-

गत बर्षको तुलनामा यस बर्ष पर्सामा धान उत्पादन निकै बढेको छ। यसपाली धान उत्पादन ६० प्रतिशत वृद्धि भएको जिल्ला कृषि विकास कार्यालय पर्साले जनाएको छ ।

गत वर्ष पर्सामा १ लाख ३२ हजार ५सय ६० मेट्रिक टन धान उत्पादन भएकोमा यस वर्ष २ लाख १२ हजार ७ सय ७५ मेट्रिक टन उत्पादन भएको जिल्ला कृषि विकास कार्यालय पर्सा प्रमुख वीरेन्द्र सिन्हाले बताए ।

गत बर्ष अगहनी २.९, भदैया ३.५ र चैते ३ मेट्रिक टन प्रति हेक्टर उत्पादन भएकोमा यस बर्ष तीन वटै धानको उत्पादनमा वृद्धि भएको कृषि विकास कार्यालयको तथ्याड्ढले देखाउ“छ।

यस बर्ष पर्सामा अगहनी ४.५, भदैया ४.५ र चैते ५.५ मेट्रिक टन प्रति हेक्टरको दरले उत्पादन भएको हो । जिल्ला कृषि विकास कार्यालय पर्साका कृषि प्राविधिक महेन्द्र कुशवाहाका अनुसार गत बर्ष पर्सामा अगहनी ३३ हजार २ सय १० हेक्टरमा लगाइएको थियो भने यस बर्ष यो धान ३५ हजार ८ सय हेक्टर क्षेत्रफलमा लगाइएको थियो । अगहनीमा  स्वर्णासब, सोना मन्सुली, सावित्री, रामविलासलगायतका धानको जात किसानहरुले लगाएका थिए ।

भदैया धान गत बर्ष ८ हजार ५ सय हेक्टर क्षेत्रफलमा लगाइएकोमा यस बर्ष ८ हजार ५ सय ५० हेक्टर क्षेत्रफलमा लगाइएको थियो । भदैयामा विशेषगरी किसानहरुले हर्दिनाथ, चैते ४, चैते ५, चैते ६, सुक्खा १, २, ३, ४, ५ लगायतको धानहरु लगाएका थिए ।

कृषि विकास कार्यालय पर्साको तथ्याड्ढले तेस्रो धान बाली अर्थात चैते धान गर्त बर्ष १ हजार ३ सय ५० हेक्टरमा लगाइएकोमा यस बर्ष २ हजार ४ सय हेक्टर क्षेत्रफलमा लगाइएको जनाएको छ ।

चैते धानमा यस वर्ष किसानहरुले चैते, २, ४, ६ र हर्दिनाथ धानका वीउ“ रोपेका थिए । भदैया र चैते धानबालीमा हर्दिनाथ र चैतेका विभिन्न जातहरु लगाईन्छ । गत बर्षको तुलनामा यस बर्ष भारी उत्पादकत्व बढ्नुमा कृषि अनुकुल वर्षा हुनु मुख्य कारण रहेको कृषि प्राविधिकहरुको भनाई छ।

[sharethis-inline-buttons]

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ