महिला एसिया कपः नेपालले थाइल्याण्डलाई दियो ६४ रनको लक्ष्य

काठमाडौं, मंसिर १६–

महिला एसिया कप क्रिकेटमा नेपालले थाइल्याण्डलाई ६४ रनको लक्ष्य दिएको छ । घरेलु टोलीले अहिले जवाफी ब्याटिङ गरिरहेको छ ।

टस जितेर पहिले ब्याटिङ थालेको नेपालले अन्तिम बल खेल्नु अघि सबै विकेट गुमाएर ६३ रन बनायो । नेपालको सुरुवात राम्रो थियो । पहिलो विकेटका रुपमा ओपनर ज्योती पाण्डेलाई व्यक्तिगत १६ रनमा गुमाउँदा ३० रन बनाएको थियो ।

ज्योती आउट भएपछि नेपाल धरासायी भयो । कुनै पनि ब्याट्सवुमनले टिकेर खेल्न सकेनन् । सीता राना मगरले ९ रन बाइन् भने रुविना क्षत्रीले ८ रन जोडिन् । नेरी थापा ७, सरिता मगरले ४, करुणा भण्डारी, काजोल श्रेष्ठ र संगिता राईले २\२ रन जोडिन् भने इन्दु बर्मा र रश्मी चौलागाई १\१ रनमा आउट भइन् ।

नेपालले यसअघि तीन खेल हारिसकेको छ । र, अन्तिम खेल भारतसँग खेल्नेछ । त्यसैले थाइल्याण्डविरुद्धको खेललाई एसिया कपमा जित दर्ता गर्ने मौकाका रुपमा हेरिएको छ ।