सामाजिक विकास मन्त्रीको स्वाकीय सचिबमा नाछिरिङ र प्रेस सल्लाहकारमा श्रेष्ठ
सोलुखुम्बु । प्रदेश नम्बर १ का सामाजिक विकास मन्त्री बुद्धिकुमार राजभण्डारीको प्रमुख स्वाकिय सचिबमा हर्क नाछिरिङ र प्रेस सल्लाहकारमा नुतन श्रेष्ठ नियुक्त हुनुभएको छ ।
नेकपा एमाले जिल्ला उपाध्यक्ष नाछिरिङ र नेपाल पत्रकार महाँसघ सोलुखुम्बुका अध्यक्ष समेत रहनुभएका श्रेष्ठलाई स्वकीय सचिव तथा प्रेस सल्ल्लाहकारमा नियुक्त गरेको मन्त्री राजभण्डारीले जानकारी दिए ।
प्रदेश सभा क्षेत्र २ बाट निर्वाचित सांसद राजभण्डारीलाई माघ ६ गते सामाजिक विकास मन्त्रालयको जिम्मेवारी प्रदान गरिएको हो । गत पुस २९ गते बिना बिभागीय मन्त्रीमा नियुक्त गरेका राजभण्डारीलाई माघ ६ गते शुक्रवार मुख्यमन्त्री हिक्मत कार्कीको सिफारिसमा प्रदेश प्रमुख परशुराम खापुङ्गले सामाजिक विकास मन्त्रीको जिम्मेवारी प्रदान गर्नुभएको थियो ।
