Gaule Khabar
आइतवार, साउन २९, २०७९
Gaule Entertainment Media Group Pvt.Ltd.

तीनजनाको मृत्यु, ठेकेदारको लापरवाही कारण स्काभेटरले लडाएको ढुंगा जीपमाथि खस्यो

तीनजनाको मृत्यु, ठेकेदारको लापरवाही कारण स्काभेटरले लडाएको ढुंगा जीपमाथि खस्यो

काठमाण्डौ ।ओखलढुंगाको सिद्धिचरण नगरपालिका– ३ नारायणस्थानमा ठेकेदारको लापरवाही कारण तीन जनाले ज्यान गुमाएका छन् ।

ओखलढुंगाको मानेभन्ज्याङ गाउँपालिका– १ मोलीदेखि ओखलढुंगा सदरमुकामतर्फ आइरहेको को १ ज ३५६९ नम्बरको यात्रु सवार बोलेरो जिप बाटोमा माथीबाट ढुंगा खसेर लागेको हो ।

ओखलढुंगा निशंखे सडक ग्राभेलको ठेक्का पाएको कान्छाराम कन्सट्रक्सनले स्काभेटर लगाएर बाटोमाथि बाटा ढुंगा झिक्ने काम गरिरहेको थिए । त्यही ढुंगा खसेर मोलीबाट ओखढुंगा आउँदै गरेको जिपमा लागेको हो ।

ठेकेदारको असावधानीका कारण दुर्घटना भएको देखिएको प्रमुख जिल्ला अधिकारी दिलकुमार तामाङ बताए ।

जिपमा ६ जना सवार थिए । सिद्धिचरण नगरपालिका– १ तलुवाका १० वर्षीय युसव कोइराला, ७ वर्षीया युनिशा कोइराला र मानेभन्ज्याङ गाउँपालिका(१ मोलीका ३० वर्षीय हेम मगरको मृत्यु भएको प्रहरीले जनाएको छ । दुर्घटनामा तीनजना घाइते छन् । घाइतेमध्ये दुईको अवस्था गम्भीर रहेको र उनीहरूलाई हेलिकोप्टरमार्फत काठमाडौं ल्याउने तयारी भएको प्रहरीले जनाएको छ ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ