बुदुम खोला लघुजलविद्युत पुनः सञ्चालन

काठमाण्डौ । लघुजलविद्युत आयोजना बुदुम खोला १३ दिनपछि पुनः सञ्चालनमा आएको छ । सोलुखुम्बुको महाकुलुङ गाउँपालिका–४, ५ र सोताङ गाउँपालिका–४ नाम्लुङका करिब ११ सय घरधुरी उपभोक्ता रहेको विद्युत सेवा शनिबारदेखि पुनः सञ्चालमा आएको छ ।
डाइनामा जलेर मंसिर ११ गते देखि अवरुद्ध भएको विद्युत मर्मतका लागि काठमान्डौबाट चार जना प्राविधिक टोलि गुदेल ल्याएको थियो । प्राविधिक टोलिले विद्युत मर्मत गरेसंगै सञ्चालमा आएपछि उपभोक्ता हर्षित भएको छ ।

विद्युत सेवा सुचारु भएसंगै महाकुलुङ–५ मा कोठीछोमा रहेको नेपाल टेलिकमको रिपिटर टावर समेत सञ्चालनमा आएको छ । टावरमा विद्युत व्याकपको राम्रो व्यवस्थापन नहुँदा बुदुम खोला अवरुद्ध हुँदा टेलिफोन प्रयोग कर्ता मारमा पर्ने गरेका छन् । विद्युत सेवा सञ्चालमा आएसंगै विद्यार्थी, गृहणी र अन्य साना उद्योग सञ्चालकलाई सहज भएको छ ।