एनसेलको विभिन्न टावरहरूमा आगजनी

admin

११ फागुन, काठमाडौँ । निजी क्षेत्रको मोबाइल प्रदायक कम्पनी एनसेलको नख्खुस्थित मुख्य कार्यालयमा कुकर बम विस्फोट गरेलगत्तै देशका दर्जन बढी जिल्लामा आक्रमण भएको छ ।

रौतहट, पोखरा, काभ्रे, बागलुङ, पूर्वी नवलपरासी लगायतका ठाउँमा रहेका टावरमा आगजनी गरिएको छ ।

रुपन्देहीको गैडहवा गाउँपालिका वडा नम्बर ३ सूर्यपुरास्थित एनसेलको टावरमा आगजनी गरिएको छ । यो घटनाको पुष्टि रुपन्देहीका एसपी हृदय थापाले गरेका छन् ।

अपरिचित व्यक्तिले बोरामा आगो सल्काएर टावरमा आगजनी गरेको उनले बताए । आगजनीले टावरका तार जलेर नष्ट भएका छन् । घटनास्थलमा प्रहरी तत्काल पुग्दा मानवीय र अन्य ठूलो क्षति हुन नपाएको थापाले बताए ।

अहिलेसम्म घटनाको जिम्मेवारी भने कसैले लिएको छैन । आगजनीपछि त्यस क्षेत्रमा एनसेलको नेट्वर्कले काम गर्न छाडेको छ ।