थाकसको केन्द्रीय प्रचार तथा प्रकाशन विभाग गठन
काठमाडौं, मंसिर २८–
थारु कल्याणकारिणी सभा (थाकस) को केन्द्रीय प्रचार तथा प्रकाशन विभाग गठन गरिएको छ । आज (मंगलबार) काठमाडौंमा थाकसको केन्द्रीय समितिले यस विभाग गठन गरेको हो ।
११ सदस्यीय विभागको प्रमुखमा रामलाल चौधरी चयन हुनु भएको छ भने सदस्यहरुमा सन्तकुमार चौधरी (चितवन), राजु चौधरी (चितवन, मदन चौधरी (बारा), संजय थारु (सिरहा), किशोर चौधरी (उदयपुर), आरएन चौधरी (बारा), प्रविन चौधरी (सिरहा), उमेश चौधरी (सप्तरी), चंचल चौधरी (चितवन), र आशिष चौधरी रहनु भएको छ ।
यस्तै आजको बैठकले प्रशिक्षण विभाग, युवा विद्यार्थी विभाग, संगठन विभाग, महिला विभाग, निर्वाचन विभाग, आर्थिक विभाग र सहकारी विभाग गठन गरेको छ ।
