नवलपरासीमा बाघको आक्रमणमा परी २ घाइते
नवलपरासी,माघ ३-
जिल्लाको कावासोती-१६ डण्डामा बाघको आक्रमणमा परि सोमबार दुई जना घाइते भएका छन् ।
घर नजिकैको जंगलमा घाँस-दाउरा खोज्न जादा ५० वर्षीय सुमित्रा गिरी र छोरी २८ वर्षीय टोप माया गिरीलाई बाघले आक्रमण गरेको प्रहरीले जनाएको छ ।
घाइतेमध्ये आमा सुमित्राको अवस्था गम्भीर रहेको छ । घाइते दुवैको स्थानीय मध्यविन्दु सामुदायिक अस्पतालमा उपचार हुन नसकेपछि भरतपुर पठाइएको छ । पछिल्लो केही महिना यता जिल्लामा बाघको आक्रमण बढेको छ ।
मंसिरदेखि अहिलेसम्म बाघको आक्रमणबाट ३ जनाको मृत्यु भइसकेको छ । नरभक्षी बाघले लगातार आक्रमण गरेपनि आक्रमण गर्ने बाघको खोजी नगर्दा सर्वसाधारणमा त्रास फैलिएको छ ।
