मोहम्मद ईजहार शेष,
परासी, पुस ७–

१४ वर्षदेखि निर्माणधिन रहेको बडहरा दुुबौलिया स्वास्थ्य चौकीले निर्माण कार्य सम्पन्न गरि नयाँ भवनवाट सेवा सुरु गरेको छ ।
भवन निर्माणका लागि गठन गरिएको उभोक्ता समितिले विभिन्न आरोप प्रत्यारोप गरेर आफुहरुमा भिड्दै आउने गरेको र निर्माण कार्यमा स्थानीयकै असन्तुष्टि हुदै गरेपछि उक्त भवन निर्माण गर्न ढिलाई हुँदै गरेको थियो । यो भन्दा पहिला वडहरा दुबौलिया गाविसकै कार्यालय अन्तर्गत अतिरिक्त रहेको जिर्ण अवस्थाको भवनबाट जसोतसो सेवा दिदै आईएको थियो । लामो प्रयासपछि अहिले बडहरा दुबौलिया गाविस वडा नम्बर ६ मा आप्mनै ३ कोठे बडहरा दुबौलिया स्वास्थ्य चौकीको पक्की भवन निर्माण भएपछि सेवा दिन सहज भएको स्वास्थ्य चौकी ईन्चार्ज सुमन पन्तले जानकारी दिनुभयो ।
१४ वर्षभन्दा पहिलबाट निर्माण कार्य अगाडि बढाईएकोले निर्माण गर्न कत्ति खर्च लागेको भन्ने यकिन नरहेपनि करिब १२ लाख खर्चमा ३ कोठे पक्की भवन निर्माणसहित पर्खाल निर्माण गरिएको स्वास्थ्य चौकी ब्यवस्थापन समितिका अध्यक्ष एवं गाविस सचिव टंकनाथ ज्ञवालीले बताउनु भयो ।
सो भवनको निर्माण कार्य सम्पन्न गराउनका लागि चालु आर्थिक वर्षमा रु २ लाख ७२ हजार दिईएको सचिव ज्ञवालीको भनाई छ । बडहरा दुबौलिया गाविसमा करिब ८ हजार ४४ जना सेवाग्राहीहरु रहेका छन् । बहिरङ्ग सेवा अन्तर्गत ४ वटा खोप क्लिनिक, ३ वटा गाउँघर क्लिनिक, ९ वटै वडामा सुरक्षित मातृत्व सेवा, गर्भवति तथा प्रसुती पश्चात जाँच लगायतका सेवाहरु प्रभावकारी रुपमा प्रवाह गरिएको स्वास्थ्य चौकी ईन्चार्ज सुमन पन्तले बताउनु भयो ।
यस्तै स्वास्थ्य चोकीको कार्यालयमा मलेरिया र्यापिड टेस्ट किट मार्फत संकास्पद ज्वरोका बिरामीहरुलाई मलेरिया जाँचसहित क्षयरोग तथा कुष्ठरोगका बिरामीहरुको जाँच गर्ने गरिएको छ । यस्तै गर्भवति महिलाको नियमित स्वास्थ्य जाँच, आईरन चक्की खाए नखाएको मुल्यांकन गर्नका लागि सञ्चालन गरिएको टिकुली टांस कार्यक्रम प्रभावकारी रुपमा अगाडि बढको बताईएको छ । हरेक वडामा रहेको महिला स्वस्थ्य स्वंमसेवक, आमा समूह र स्वास्थ्य गर्भवति महिला समूह मार्फत सञ्चालन गरिएको टिकुली टांस कार्यक्रमको नियमित रिपोर्टिङ्ग गरिएको स्वास्थ्य चौकी ईन्चार्ज सुमन पन्तले बताउनु भयो ।