सकियो भरतपुर महोत्सव
चितवन, पुस ४–
हरेक २/२ वर्षमा आयोजना हुने भरतपुर महोत्सवको आईतबार एक कार्यक्रमका बीच समापन भएको छ ।
चितवनका प्रमुख जिल्ला अधिकारी नारायण प्रसाद भट्टले महोत्सवको समापन गर्नुभएको हो । महोत्सवको समापन गर्दै प्रमुख जिल्ला अधिकारी भट्टले यस्तो मेला महोत्सवले जिल्लाको आर्थिक विकासमा टेवा पुग्ने बताउनुभयो । स्थानीय उत्पादनलाई प्रोत्साहन गर्ने उद्देश्यले महोत्सवको आयोजना गरिएको भरतपुर महोत्सवका संयोजक तथा युवा समाज भरतपुरका अध्यक्ष असिम भट्टराईले बताउनुभयो । सो कार्यक्रममा महोत्सव सफल बनाउन सहयोग गर्ने सहयोगीहरुलाई मायाको चिनो समेत प्रदान गरिएको थियो । मंसिर २२ गतेबाट शुरु भएको महोत्सव शनिबार पुस २ गते सकिने भनिएता पनि दर्शकहरुको मागका कारण महोत्सवको समय आईतबार पुस ३ गते १ दिनको लागि थपिएको प्रचार–प्रसार समिति संयोजक राजु भट्टले जानकारी दिनुभयो ।
