माओवादी केन्द्र कुलेखानीका उपाध्यक्षसहित दर्जनौं कार्यकर्ता एमालेमा प्रवेश
मकवानपुर, मंसिर २८ –
सत्तारुढ नेकपा माओवादी केन्द्रको मकवानपुर जिल्ला कमिटीस्थित कुलेखानी गाउँ कमिटीका उपाध्यक्ष हरिकृष्ण पुडासैनी नेकपा एमालेमा प्रवेश गरेका छन् ।
दर्जनौं माओवादी कार्यकर्तासहित पार्टी त्यागेर आएका आएका पुडासैनीलाई सोमबार नेताहरु जीवन लामा र सुभासचन्द्र ठकुरीले अबिर माला लगाई पार्टी प्रबेश गराए ।
संबिधान कार्यान्वयनका लागि एमालेको चारमहिने जनपरिचालन अभियान अन्तर्गत पछिल्लो समय एमाले नेता कार्यकर्ता गाउँ गाउँ पुगेका छन् । यो अभियानले पार्टी प्रवेशको लहर चलेको नेकपा एमाले मकवानपुर क्षेत्र नं २ का उपाध्यक्ष एवम् अभियान टोली संयोजक जीवन लामाले जानकारी दिए ।
यसअघि उपेन्द्र यादव नेतृत्वको संघीय समाजवादी फोरम नेपालका पाँच केन्द्रीय सदस्यसहित ९६ जना नेता कार्यकर्ता एमाले प्रवेश गरेका थिए । उनीहरुलाई पार्टी अध्यक्ष केपी शर्मा ओलीले स्वागत गरेका थिए ।
तस्वीरः दामन पोष्ट ।
