बाँकेको मटेहियामा दुई समूहवीच झडप, एक युवकको मृत्यु
नेपालगञ्ज, मंसिर २८-
बाँकेको मटेहिया ४ भगवानपुरमा स्थानीय युवाहरुबीच सोमबार साँझ भएको झडपमा एक युवकको मृत्यु भएको छ भने कम्तिमा १० घाइते भएका छन् ।झडपको घटनालाई लिएर सो ठाउँ तनावग्रस्त बनेको छ । मुस्लिम धर्मगुरु पैगम्बर मोहम्मदको १४९१ औं जन्मोत्सवका अवसरमा निकालिएको र्यालीमा झडप भएको हो ।
झडपलाई नियन्त्रणमा लिन प्रहरीले ८ राउण्ड हवाई फायर गरेको थियो ।घटनामा मटेहिया–४ र ५ का ओमकार मौर्या, बजरंगी गोडिया, खैया यादव, त्रिचन्द्र यादव, सवलाप्रसाद यादव, दिनेश गुप्तालगायत घाइते भएका छन् । उनीहरुलाई उपचारका लागि नेपालगञ्ज ल्याइएको छ ।
