उदयपुरमा बसले ठक्कर दिँदा ४ वर्षीया बालिकाको मृत्यु
उदयपुर,मंसिर २६ –
उदयपुरको पूर्वी क्षेत्रमा पर्ने गाविस रामपुर ठोक्सीलामा आइतबार बिहान यात्रुबाहक बसको ठक्करबाट एक बालिकाको मृत्यु भएको छ। ना ४ ख ३०८१ नम्बरको भाग्यलक्ष्मी ट्राभल्सको बसले सडकको छेउमा खेलीरहेकी रामपुर ठोक्सिला-९ का नजन श्रेष्ठकी छोरी अन्दाजी ४ वर्षीया बालिका स्मारिका श्रेष्ठको मृत्यु भएको हो।
बालिकाको घटनास्थलमै मृत्यु भएको जिल्ला प्रहरी कार्यालय उदयपुरका डिएसपी ओम बहादुर रानाले जानकारी दिए। डिएपी रानाका अनुसार ठक्कर दिने बस र चालकलाई इलाका प्रहरी कार्यालय रामपुर ठोक्सीलाले नियन्त्रणमा राखिएको छ।
