Gaule Khabar
बुधबार, भदौ १, २०७९
Gaule Entertainment Media Group Pvt.Ltd.

एमालेद्वारा मुगुमा विरोध प्रदर्शन

  • admin
  • शुक्रबार, मंसिर २४, २०७३
एमालेद्वारा मुगुमा विरोध प्रदर्शन

मुगु, मंसिर २४ –

सत्तारूढ दल नेपाली काँग्रेस, नेकपा ९माओवादी केन्द्र० लगायतका दलले सरकारमार्फत गत मंसिर १४ गते संसद्मा पेस गरेको संविधान संशोधनको प्रस्तावका विरुद्घ विहिबार मुगुमा नेकपा ९एमाले०ले विरोध प्रदर्शन गरेको छ ।

एमाले जिल्ला कमिटीले आयोजना गरेको विरोध प्रदर्शनमा भ्रातृ सङ्गठन र पार्टी गाउँ तथा जिल्ला कमिटीका सदस्यको सहभागीता रहेको थियो । विरोध प्रदर्शनमा राष्ट्रघाती संशोधन प्रस्ताव फिर्ता गर, स्थानीय चुनाव घोषणा गर, नेपाल हामी सबैको हो, कसैको विर्ता होइनजस्ता नारा लगाइएका थिए ।

गमगढीबजार परिक्रमापश्चात् गमगढीस्थित जिविस चोकमा गरिएको विरोध सभामा एमालेका मुगु कमिटी अध्यक्ष धर्मबहादुर शाही, सचिव जितबहादुर मल्ल, पूर्वसांसद चन्द्रबहादुर शाहीले लगायतका जिल्लास्तरीय नेताहरुले बोलेका थिए ।

विरोध सभालाई सम्बोधन गर्दै अध्यक्ष शाहीले वर्तमान सरकार आफैँ नचलेर कसैको इसारामा चलेकाले राष्ट्रघाती प्रस्ताव सदनमा पेस गरेको बताउनुभएको थियो ।

यसैगरी, पूर्वसांसद चन्द्रबहादुर शाहीले नेपाललाई फिजी तथा सिक्किमीकरणको पूर्वअभ्यास स्वरुपका कार्य हुँदै गएको र त्यसको नेतृत्व वर्तमान प्रधानमन्त्रीले गरेको आरोप लगाउँदै संसद्मा पेस भएको प्रस्ताव फिर्ता नहुन्जेल सशक्त विरोधका कार्यक्रममा सहभागिताका लागि कार्यकर्तालाई तयार रहन आग्रह गर्नुभएको थियो । – रासस

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ