अब फुटबलमा पनि रेफ्रीले भिडियो रिप्ले गराउन सक्ने

अब फुटबलमा पनि रेफ्रीले भिडियो रिप्ले गराउन सक्ने

काठमान्डौं,मंसिर २३–

अब फुटबलमा पनि भिडियो रिप्लेका आधारमा रेफ्रीले आफ्नो निर्णय पुनराबलोक गर्न सक्ने भएका छन् ।

यसको सुरुवात क्लब विश्वकपबाट हुँदैछ । जापानमा आगामी बिहीबारदेखि फिफा क्लब विश्वकप सुरु हुँदैछ । यो प्रतियोगितामार्फत विश्व फुटबलले भिडियो रिभ्यूको सुविधा पनि पाउनेछ ।

मैदानसँगै रहेको मोनिटरबाट भिडियो हेरेर निर्णय परिवर्तन गर्न सकिने सुविधा फुटबलमा पनि सुरु हुन लागेको छ ।

‘म्याच चेन्जिङ’ परिस्थितिमा मैदानमा रहेका अफिसियलबाट अनुरोध आएपछि भिडियो असिस्टेन्ट रेफ्रीले रिभ्यू गर्न सक्नेछन् । फिफा टेक्निकल डेभलपमेन्ट अफिसर मार्को भान बास्टेनले भनेका छन्, ‘यो विश्व फुटबलका लागि कोशेढुंगा हुनेछ ।’

यो बर्ष यसअघि दुई अन्तर्राष्ट्रिय मैत्रीपूर्ण खेलमा भिडियो रिभ्यूको परिक्षण गरिएको थियो र पहिलो पटक फिफाको आधिकारिक प्रतियोगितामा यसलाई लागू गर्न लागिएको हो ।

तर, यो प्रणाली लागू भएपनि खेलको अन्तिम निर्णय भने फिल्डको मूख्य रेफ्रीसँगै निहीत हुनेछ । यद्यपि सिरियस इन्सिडेन्टमा यो प्रणालीले रेफ्रीको गल्ति सुधार्ने मौका पनि दिनेछ ।


Warning: Undefined variable $file in /home/gaulekhabar.com/public_html/wp-content/themes/nepali-news-portal/single.php on line 174

Warning: Undefined variable $separate_comments in /home/gaulekhabar.com/public_html/wp-content/themes/nepali-news-portal/single.php on line 174

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमे अरू सैसँग साझा र्दैनं।

ट्रेन्डिङ

धेरै कमेन्ट गरिएका