Gaule Khabar
बुधबार, भदौ १, २०७९
Gaule Entertainment Media Group Pvt.Ltd.

दश गाविस बन्द

  • admin
  • आइतवार, मंसिर १९, २०७३
दश गाविस बन्द

सिन्धुली,मंसिर १९–

 

यहाँका १० गाविस आजदेखि अनिश्चितकालका लागि बन्द गरिएको छ ।
स्थानीय तह पुनः संरचना प्राविधिक समितिले गरेको सिफारिसप्रति असन्तुष्टि जनाउँदै बन्द गरिएको हो । कमलाखोज क्षेत्रका १० गाविस हत्पते, सिर्थौली, हर्षाही, जिनाखु, अरुणठाकुर, ककुरठाकुर, साविक लदाभिर, टाडी र दुधौली (हाल दुधौली नगरपालिका) गाविस बन्दको आह्वान गरिएको छ ।
जिल्लास्तरीय पुनः संरचना प्राविधिक समितिले जनताको भावना विपरीत स्थानीय विकास अधिकारीको निवासमा बसेर स्थानीय तहको सिफारिस गर्दा आफूहरु समस्यामा परेको भन्दै आफूहरु आन्दोलनमा उत्रिन बाध्य भएको स्थानीयवासी मदन काफ्लेले बताउनुभयो ।

समितिले पुनः संरचना आयोगमा सिफारिस गर्दा हालको दुधौली नगरपालिकामा अन्य सात गाविस मिसाउँदै दुधौली नगरपालिका नामकरण गरेको र त्यसको सदरमुकाम दुधौलीलाई नै बनाएकोप्रति स्थानीयवासीले असन्तुष्टि व्यक्त गरेका छन् ।
उनीहरुले सात गाविस र दुधौली नगरपालिकाको बीच भागलाई केन्द्र बनाउनुपर्ने तथा नगरपालिकाको नाम भूगोलबाट राख्नुपर्ने माग गरेका छन् । -रासस

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ