अखिल छैठौंको सीमा बचाउँ अभियान
नवलपरासी, मंसिर १६–
नवलपरासीको त्रिबेणी–४ सुस्तामा अखिल नेपाल राष्ट्रिय स्वतन्त्र विद्यार्थी युनियनको (छैठौ) १५ दिने सिमा बचाउ अभियानको उद्घाटन गरिएको छ ।
‘अतिक्रमण भुमी फिर्ता गर,सिमा अतिक्रमण बन्द गर’ जस्ता नारा लगाउँदै कार्यक्रमको उद्घाटन गरिएको हो ।
कार्यक्रम राष्ट्यि जन मोर्चाका कार्यकारी अध्यक्ष रेशमीराज नेपालीको प्रमुख आतिथ्यता तथा अनेरास्ववियु (छैठौ)का अध्यक्ष बिमल पोखरेलको अध्यक्षतामा कार्यक्रम सम्पन्न भएको थयो । कार्यक्रममा अखिल (छैठौ)का पूर्व अध्यक्ष अनिल घिमिरे, अखिल नेपाल युवक संघका महासचिव बाबुराम पन्थी, राष्ट्रिय जनमोर्चा नवलपरासीका अध्यक्ष रेम राना, सुस्ता बचाऊ अभियानका अध्यक्ष गोपाल गुरुङग लगायतको उपस्थिती रहेको थियो ।
नेपाल र भारतबीच जोडीएका २६ जिल्ला मध्ये २३ जिल्लाका ७१ स्थानमा नेपाली जमीन मिचिएको छ । बैतडी, डडेलधुरा र धनुषामा भने सीमा मिचीएको छैन । सबै भन्दा धेरै कालापानीमा २०१९ साल देखी ३७ हजार हेक्टर र सबै भन्दा थोरै कपिलवस्तुको कृष्णानगरमा १ हेक्टर जमिन मिचीएको र नवलपरासी सुस्तामा १४ हजार ४ सय हेक्टर जमिन मिचिएको अध्यक्ष बिमल पोखरेल जानकारी दिनुभयो ।
यो अभियान नवलपरासीको सुस्ता देखी ईलामको माने भन्ज्यागं सम्म रहने जनाईएको छ ।
