२५ लाख बढी घरेलु कार्यालय सोलुको राजस्व सङकलन

काठमाण्डौ । सोलुखुम्बु जिल्लामा घरेलु तथा साना उद्योग कार्यालय सोलुखुम्बुले एक आर्थिक बर्षमा २५ लाख रुपैयाँ भन्दा बढी राजस्व संकलन गरेको छ । आर्थिक बर्ष २०७८र०७९ मा २५ लाख ५१ हजार ८ सय २५ रुपैयाँ राजस्व संकलन गरेको छ ।

उद्योग दर्ताबाट १० लाख ५५ हजार ४ सय, उद्योग नविकरण र अन्य सेवा शुल्कबाट ७ लाख ८० हजार ५ सय २५, बाणिज्य दर्ता तथा नविकरणबाट ७ लाख १५ हजार ९ सय रुपैयाँ राजस्व संकलन भएको हो । आर्थिक बर्ष ३२९ वटा उद्योग दर्ता र १४६ वटा नविकरण भएको कार्यालयले जनाएको छ ।

दर्ता भएका बाणिज्यमा किराना पसल १७, स्टोर्स ८, अडर सप्लायर्स ४२, इलेक्टोनिक पसल ८, मासु पसल ४, फेन्सी पसल १३, इन्टर प्राइजेज १ र औसधी पसल १ वटा रहेको कार्यालयको तथ्यांक छ ।

नयाँ दर्ता भएका उद्योग मध्ये उत्पादन मुलक २४, कृषि तथा बन जन्य २२८ वटा, निर्माण सम्बन्धि १२ वटा र सेवामुलक ६५ रहेका छन् । सोही अवधीमा ९५ वटा बाणिज्य फर्म दर्ता र ११६ वटा नविकरण भएका छन् ।