सोलुखुम्बुमा छ स्थानीय तहमा एमालेको अधिवेशन सम्पन्न

सोलुखुम्बु । नेकपा एमाले सोलुखुम्बुको ८ स्थानीय तहमध्ये ६ स्थानीय तहमा अधिवेशन सम्पन्न भएको छ । पाँच स्थानीय तहको म‌ंगलबार भएको थियो भने बुधबार थुलुङदुधकोशी गाँउपालिकामा अधिवेशन सम्पन्न भएको नेकपा एमाले सोलुखुम्बुका जिल्ला सचिब आशकुमार राई शिशिरले बताए ।

माप्य दुधकोशी गाँउपालिका र नेचासल्यान गाँउपालिकामा अधिवेशन हुन बाँकी रहेको राईले बताए। राईका अनुसार कात्तिक १५ गते नेचासल्यानको अधिबेशन हुने छ भने माप्यदुधकोशीको मिति तय हुन बाँकी छ ।

कुन पालिकाको अध्यक्षामा को ?

सोलुदुधकुण्ड नगरपालिका अध्यक्षमा मिङ्मार छिरिङ शेर्पा, सोताङ गाँपालिका बीर बहादुर राई, महाकुलुङ गाँउपालिका मछिन्द्र राई, लिखुपिके गाँपालिका हिक्मत बस्नेत, खुम्बु पासाङ ल्हामु गाउँपालिका अध्यक्षमा लाक्पा ग्याल्जेन शेर्पा र थुुलुङ दुधकोशी गाँपालिकामा उदय नारायण बस्नेत सर्वसम्मत चयन हुनुभएको राईले जानकारी दिए ।