एक नम्बर प्रदेश स्तरिय महिला भलिबल प्रतियोगिताको सेमिफाईनल समिकरण पुरा

गाउँले न्यूज, ९ फाल्गुन, सोलुखुम्बु । प्रदेश नम्बर १ स्तरिय महिला भलिबल प्रतियोगितामा सेमिफाईनल समिकरण पुरा भएको छ । फागुन ७ गतेबाट सोलुखुम्बु सल्लेरी स्थित योङ स्टार क्लवको खेल मैदानमा जारी प्रतियोगितामा बिहिबार आयोजक टिम सोलुखुम्बु, सखुंवासभा, सुनसरी र ओखलढुगां सेमिफाईनलमा प्रबेश गरेसगैँ सेमिफाईनल समिकरण पुरा भएको छ ।

आज बिहिबार भएको क्वाटरफाईनलको पहिलो खेलमा सखुंवासभाले खोटाङलाई ३–० को सोझो सेटमा पराजीत गरे भने दोस्रो खेलमा सुनसरीले उदयपुरलाई ३–२ कोसेटले हराएको हो । तेस्रो खेलमा सोलुखुम्बुले मोरङलाई ३–० को सोझो सेटमा र चौथो खेलमा ओखलढुगांले झापालाई ३–२ को सेटले हराउदै आफ्नो फाइनल यात्रा तय गरेको हो ।

लिकम नकाउटको आधारमा खेलाईको उक्त खेलमा प्रदेश नम्बर १ का १४ वटै जिल्लाका महिला भलिबल टिमले सहभागिता जनाएको थियो । ६ जिल्लाका खेलाडी लिग चरणबाटै बाहिरिएका थिए भने ४ जिल्लाका खेलाडि क्वाटरफाईनलबाट बाहिरिएका छन ।

प्रतियोगितामा सेमिफाईनलका खेल भोली शुक्रबार हुनेछन । सेमिफाईनलको पहिलो खेलमा सखुंवासभा बिरुद्ध सोलुखुम्बु र दोस्रो खेलमा ओखलढुंगा र सुनसरी वीच प्रतिस्पर्धा गर्ने छन ।