नेपाली कांग्रेस सोलुखुम्बु न्युयोर्क सम्पर्क समितिले न्यूयोर्कमा एक छलफल कार्यक्रम आयोजना गरेको छ ।

नेपाली जनसम्पर्क समिति अमेरिकाका पूर्व उपध्यक्ष श्री मिङमार शेर्पाको अध्यक्षता तथा नेपाली काँग्रेस सोलुखुम्बुका नेता एबम समाजसेवी प्रकाश सिंह कार्कीको प्रमुख आतिथ्यतामा कार्यक्रम सम्पन्न भएको हो ।

कार्यक्रममा सम्बोधन गर्दै प्रकाश सिंह कार्कीले नेपाली कांग्रेस सोलुखुम्बुमा पुनर्जागरण ल्याउदै कांग्रेसको नेतृत्वमा जिल्लाको बिकाश, निर्माण र रोजगारी सिर्जना गरेर जनाताको आशा र भरोशा कायम गर्न अमेरिकामा रहेका सबै पुराना कांग्रेस नेता कार्यकार्ताहरुलाई सोलुखुम्बु फर्कन आग्रह गरेका छन । जन्मभुमीप्रतीको दायित्व सबैले पुरा गर्नु पर्ने उल्लेख गर्दै नेता कार्किले यतिबेला नेपाली कांग्रेस पार्टी र समग्र जिल्लाले सबैको साथ खोजेकोले अब सबैले आ-आफ्नो दायित्व पुरा गर्ने समय आएको बताए ।

अन्या बक्ताहरुले नेपाली कांग्रेस सोलुखुम्बुमा लामो समय सम्म नेताहरुको राजनितिक बिबाद, गुट्बन्दी र घर झगडाले आक्रन्त बनेको र अब नयाँ ढङ्गले जानुको बिकल्प नभएको भन्दै कांग्रेस सोलुखुम्बु को सुधारका लागी आफुहरु जेसुकै गर्न तयार रहेको बताए ।