नारायणकाजी श्रेष्ठ भन्छन्– ’एक साता भित्र निर्वाचनको मिति घोषणा हुन्छ ’
नेपालगन्ज,माघ ५-
सत्तारुढ दल नेकपा माओवादी केन्द्रका नेता नारायणकाजी श्रेष्ठले एक साता भित्र निर्वाचनको मिति घोषणा हुने वताएका छन् ।उनले निर्वाचन र संविधान संसोधनको विषय संगसंगै लैजाने वताए । प्रेस सेन्टर बांकेले आज नेपालगन्जमा गरेको पत्रकार सम्मेलनमा वोल्दै श्रेष्ठले तत्काल निर्वाचनको मिति घोषणा नगरे समयमै निर्वाचन सम्भव नहुने भएकाले घोषणा र तयारी संगसंगै गरिने जानाकारी दिए ।
उनले संविधान संसोधन आवश्यकता र वाध्यता दुर्व भएको तर्क गरे ।‘संविधानलाई कार्यान्वयन गर्न सवै समुदायको माग सम्वोधन गर्नु जरुरी छ, उनले भने–सर्वसुकार्य वनाउन पनि संसोधन आवश्यक छ । नेता श्रेष्ठले अहिले वाहिर हल्ला चलेजस्तो अंकगणितको पछाडी माओवादी केन्द्र नलागेको स्पष्ट पारे ।उनले अंकगणित मिलाउन मन्त्रि थप्न लागेको भन्ने कुरा निराधार रहेको पनि वताए ।एमाले र मधेशवादी दलको सहमतीमानै निर्वाचन र संविधान संसोधन हुने श्रेष्ठको भनाई छ ।
