देउता रिसाउने डरले गोठमै सुत्केरी
काठमाडौं, माघ २ –
घरमै सुत्केरी गराउँदा देउता रिसाउने अन्धविश्वासले जाजरकोटको ग्रामीण भेगका अधिकांश सुत्केरीको ज्यान जोखिममा परेको छ ।
प्रसवपीडामा रहेका महिललाई घरमा नराखी गोठमा सुत्केरी गराउने गरिएको छ । रामीडाँडा, पैक, सक्ला, लहँ, डाँडागाउँ, रग्दा भगवतीलगायतका दुई दर्जन गाविसका महिला अझै पनि देउता रिसाउने डरले गोठमै सुत्केरी हुने गरेका छन् ।
ग्रामीण भेगमा छुट्टै गाई बाँध्ने गोठ हुँदैन । एउटै घरको माथिल्लो तलामा मानिस बस्छन् र तल्लो तलामा गाईवस्तु राख्ने गर्छन् ।
बच्चाको न्वारनपछि घरबाहिरको सबै काम गर्नुपरे पनि देउता रिसाउने डरले घरभित्र प्रवेश दिइँदैन । त्यहाँका सुत्केरीहरुले परिवारका सदस्यलाई छुन समेत पाउँदैनन् । नयाँ पत्रिका दैनिकमा खबर छ ।
