Gaule Khabar
मङ्लबार, साउन ३१, २०७९
Gaule Entertainment Media Group Pvt.Ltd.

माछाको स्वादसंगै संगीतिक माहोलमा झुमे दर्शक

  • admin
  • शनिबार, पुस २, २०७३
माछाको स्वादसंगै संगीतिक माहोलमा झुमे दर्शक

चितवन, पुस २–

चितवनको भरतपुरमा जारी दोस्रो चितवन मत्स्य महोत्सवमा दोस्रो दिन शनिबार दर्शकहरुले माछाको स्वादसंगै संगीतको मज्जा लिन पाएका छन् ।
महोत्सव अवलोकन गर्न पुगेका दर्शकहरुले माछाको स्वाद त चाख्न पाए संगै राष्ट्रिय कलाकारहरुको प्रस्तुतीले भरपुर मनोरञ्जन लिए । शनिबार चर्चित गायक रामजी खाँण र गायिका सावित्री जोशीको प्रस्तुतीले दर्शकहरुले भरपुर मनोरञ्जन लिए ।
भरतपुरस्थित औद्योगिक प्रदर्शनी मैदानमा जारी महोत्सवमा अबका हरेक दिन सांगितिक मज्जा लिन सक्ने छन् । शनिबार दर्शकहरुलाई दुई राष्ट्रिय कलाकारले मनोरञ्जन दिलाएको महोत्सवका संयोजक रमेश पाण्डेले जानकारी दिनुभयो ।
आईतबार पनि राष्ट्रिय कलाकारहरुको प्रस्तुती रहने प्रचार–प्रसार समितिका संयोजक लुलाराज तामाङले जानकारी दिनुभयो ।
महोत्सवको विशेष आकर्षणको रुपमा आधुनिक प्रविधियुक्त माछा पोखरी प्रदर्शनी, माछाका परिकार, थारु विशेष खानाका परिकार, माछा बनाउने तथा खाने तरिकाको बारे जानकारी, बाल उद्यान, राष्ट्रिय एवंम स्थानीय कलाकारहरुको प्रस्तुती रहेको छ ।
महोत्सवमा ४५ वटा स्टल रहेका छन् । महोत्सवमा प्रवेशका लागि ३० र २० रुपैयाँको टिकट व्यवस्था गरिएको छ । टिकट लिएर प्रवेश गर्नेहरुका लागि माछाको सुप निःशुल्क समेत व्यवस्था गरिएको आयोजकले जनाएको छ ।
नेपाल मत्स्य व्यवसायी संघ चितवन र जिल्ला कृषि विकास कार्यालय चितवनको संयुक्त आयोजनामा जारी महोत्सव पुस ५ गतेसम्म भरतपुरस्थित औद्योगिक प्रदर्शनी स्थल मैदानमा चल्ने छ । ‘स्वदेशी माछा खाऔं, स्वस्थ रहौं’ भन्ने नाराका साथ सुरु भएको महोत्सवको कृषि राज्य मन्त्री राधिका तामाङले शुक्रबार समुद्घाटन गर्नुभएको थियो ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ